Nov 6, 2026 | Circle, Njoftime
Objekti: Ekspertizë e jashtme për menaxhimin dhe koordinimin e projektit, si dhe për promovimin, përhapjen e rezultateve dhe organizimin e eventeve – Projekti ARIADNE
Bashkia Fier zbaton projektin ARIADNE – “SmARt City IoT-EnAbleD INfrastructurE Health Monitoring” (MIS 6011035), në kuadër të programit Interreg VI-A IPA Greece–Albania 2021–2027. Në këtë kuadër, Bashkia Fier fton ekspertë, organizata dhe subjekte të interesuara të shprehin interesin për ofrimin e shërbimeve të ekspertizës së jashtme në pozicionet e mëposhtme:
1. Ekspert i jashtëm për menaxhimin dhe koordinimin e projektit. Mbështetje për koordinimin e aktiviteteve të projektit, menaxhimin administrativ dhe financiar, raportimin dhe komunikimin me Përfituesin Kryesor dhe partnerët e projektit.
- Ekspert i jashtëm për promovimin dhe përhapjen e rezultateve të projektit ARIADNE dhe për organizimin e eventeve. Promovimi i projektit dhe përhapja e rezultateve të tij, angazhimi i palëve të interesuara, si dhe organizimi i eventeve, takimeve, punëtorive dhe aktiviteteve informuese të projektit.
Subjektet e interesuara ftohen të paraqesin CV-në individuale ose profilin e organizatës/subjektit, duke evidentuar përvojën përkatëse, së bashku me të dhënat e kontaktit.
Dokumentacioni duhet të dërgohet në adresën info@bashkiafier.gov.al, brenda datës 16/11/2026, me subjekt: “Shprehje interesi / ARIADNE”.
w Vetëm subjektet e perzgjedhur do të ftohen më pas të marrin pjesë në procedurën e tenderimit.
(Kliko ketu per dokumentin)
Nov 5, 2026 | Njoftime
Njoftim për dëgjesë publike
Ju njoftojmë se do të zhvillohet dëgjesa publike në kuadër të:
Përgatitjes dhe hartimit të hartës së hapësirave publike në territorin e Bashkisë Fier
Takimi do të zhvillohet: Ditën e Martë, datë 02.12.2026 ora 10:00 në ambientet e Sallës së Mbledhjeve të Këshillit të Bashkisë Fier.
Kliko ketu per dokumentin
Nov 2, 2026 | Njoftime
Bashkia Fier, në kuadër të programeve sociale të strehimit, konkretisht programit të subvencionimit të qirasë, në përputhje me proçedurat administrativo-ligjore të parashikuara në ligjin nr.22/2018 “Për strehimin social”, i ndryshuar me Ligjin nr.48/2023 “ Për disa shtesa dhe ndryshime në Ligjin nr.22/2018 “Për strehimin social”, VKM nr.384, datë 12.06.2019 “Për përcaktimin e dokumentacionit për të përfituar strehim sipas çdo program social të strehimit, dhe afateve e proçedurave të miratimit nga organet e qeverisjes vendore”, VKM nr. 459, datë 03.07.2019 ”Për rregullat për administrimin e kërkesave të njësive të vetëqeverisjes vendore për fonde nga buxheti i shtetit për subvencionimin e qirasë ose uzufruktit, mënyrën e financimit të subvencionit, monitorimin dhe bashkëpunimin ndërmjet njësive të vetëqeverisjes vendore dhe ministrisë përgjegjëse për strehimin”, VKM nr. 362, datë 29.05.2019 “Për kriteret e dhënies së subvencionit të qirasë për kategoritë që gëzojnë përparësi në subvencionimin e qirasë në tregun e lirë, nëpërmjet buxhetit të shtetit dhe mënyrën e llogaritjes së tij” si dhe
VKM nr.301, datë 15.04.2021, “Për normat e strehimit”
njofton të gjithë familjet e pastreha të interesuara të depozitojnë kërkesën e tyre dhe dokumentacionin ligjor si më poshtë vijon:
Kliko ketu per dokumentin