Me ftesë të Kryetarit të Bashkisë së Padovës, Z. Sergio Giordani, Kryetari i Bashkisë Fier, Z. Armando Subashi ka zhvilluar një agendë të ngjeshur dhe shumë produktive në vendin fqinj. Pas takimeve miqësore dhe institucionale me qytetarin e parë të Padovës, të cilat u fokusuan në shtrirjen e një bashkëpunimi ndërsektorial dhe shkëmbimit të praktikave më të mira mes të dy bashkive, i sukseshëm ishet edhe takimi me liderin e një prej merkatove më të mëdha në Itali, Drejtorin Ekzekutiv të Mercato AgroAlimentare Padova (MAAP) Z. Maurizio Saia.
Ky takim nxiti hedhjen e hapave konkrete të ndërtimit të një tregu të madh të fruta perimeve (tipi frigoriferik) në bashkinë Fier. Ky treg do të jetë filial i merkatos së madhe të fruta perimeve në Padova, që është një nga tre merkatot më të mëdha në Itali. Finalizimi i këtij projekti dhe i disa projekteve të tjera në fushën e përpunimit të produkteve bujqësore do të hapë një faqe të re për zhvillimin e bujqësisë dhe garantimin e tregjeve në Bashkinë Fier, e jo vetëm.
Nuk kishte si të linim jashtë vëmendjes edhe këtë fundvit ata që kanë më shumë nevojë për përkujdesje.
Me qëllim që tryeza e Vitit të Ri të jetë ndryshe nga çdo ditë tjetër, Bashkisë Fier u erdhi në ndihmë 1500 familjeve në nevojë që nuk kanë mundur të përfitojnë nga shpërblimi i Qeverisë duke u dhuruar nga fondet e saj, vlerën monetare prej 5000 lekësh.
Kategoritë përfituese:
Familje të varfëra pa të ardhura
Familje me fëmijë me status Jetim
Fëmijë në familje kujdestare
Kryefamiljare gra
Të moshuar që nuk trajtohen nga Sigurimet Shoqërore
Familje me pjesëtarë PAK që nuk kanë mundur të përfitojnë nga shpërblimi i Qeverisë
Krahas mbështetjes së Qeverisë në këto ditë festash, mbështetjes së Bashkisë, paketës së mbështetjes që do të fillojë të shpërndahet në ditët e para të vitit të ri, e cila do të ulë efektin e inflacionit të luftës, do të vazhdojmë të ndikojmë në përmirësimin e politikave sociale për familjet pa asnjë mundësi ekonomike, për kategorinë e personave me aftësi ndryshe, apo personat e pamundur fizikisht.
3 Dhjetori – Persona me aftësi ndryshe shpërndajnë mesazhe sensibilizuese
“Thyeni barrierat, hapni dyert për një shoqëri gjithpërfshirëse”. Me këtë mesazh Bashkia Fier, nëpërmjet qendrës “Horizont” ka organizuar sot një aktivitet sensibilizues në kuadër të Ditës Botërore të Personave me Aftësi të Kufizuara. Aktiviteti nisi me një paradë të fëmijëve, prindërve dhe stafit të kësaj qendre, përfshirë dhe qytetarë të ndryshëm që iu bashkuan kësaj nisme.
“Mesazhi ynë sot është shumë i thjeshtë dhe i bukur:
“Thyeni barrierat, hapni dyert për një shoqëri gjithpërfshirëse, sepse të gjithë kemi të drejta të barabarta pavarësisht sa të ndryshëm jemi, sa të aftë fizikisht, sa të shëndetshëm … Bota është e bukur për shkak të diversitetit dhe vështirësive të cilat na ndihmojnë të bëhemi më të mirë me veten dhe me të tjerët, por mbi të gjitha më të mirë me ata që kanë nevojë për ne, fëmijët dhe të rinjtë tanë, ata të cilët sot presin të ushqehen me shëndet dhe edukim për të cuar nesër përpara, idetë dhe projektet tona më të mira.”,
ka thënë në fjalën e saj Drejtuesja e kësaj qendre Matilda Dushku. Fëmijët dhe të rinjtë e kësaj qendre, nëpërmjet një pantonimi treguan edhe njëherë që janë pjesë e shoqërisë dhe që dinë të lënë gjurmë, si cdokush tjetër.
Dita Botërore e Personave me Aftësi të Kufizuar (PAK) synon ndërgjegjësimin e shoqërisë civile, donatorëve, por edhe të përfituesve për t’u bërë pjesë dhe për t’u përfshirë në proçesin e integrimit të personave me aftësi të kufizuar në jetën politike, ekonomike dhe social-kulturore.
Pak ndihmë, pak dashuri, pak vullnet!
Të gjithë ne nga pak mund të bëjmë që jeta e këtyre personave të lehtësohet. Sfidat e jetës të jenë më të drejta, të barabarta si të gjithë bashkëmoshatarët e tyre.
Është e vështirë, por jo e pamundur!
Le t’i thyejmë këto barriera.
Le t’i hapim dyert.
Le të jemi ne ata që krijojnë një shoqëri gjithpërfshirëse ku të mund të zhvillohet cdokush.
Duke filluar nga data 1 Mars 2022, hap dyert Tregu i ri i Gjësë së Gjallë, duke i dhënë kështu fund një trgtimi kaotik në Fier. Tregu aktual i gjësë së gjallë, me vendndodhje në Lagjen “Afrim i Ri” pranë hekurudhës, që ishte një treg me leje provizore, do të mbyllet përfundimisht, pasi nuk plotëson asnjë kriter të tregtimit, duke filluar që nga largësia me qendrat e banuara, (kusht për evitimin e rrezikut të përhapjes së infeksioneve, sëmundjeve nga kafshët tek njeriu), deri tek kushtet sanitare, mjedisore, funksionale dhe organizative.
Me spostimin e tregtimit të gjësë së gjallë në tregun e ri, ndërtuar nga Bashkia Fier, me vendndodhje në Njësinë Administrative Mbrostar, do të garantohet jo vetëm standardizimi i këtij shërbimi për fermerët/tregtarët, por edhe për konsumatorët. Ai plotëson të gjitha kushtet e nevojshme për një tregtim me standard, të garantuar, përfshirë kapacitetin dhe aksesimin, duke synuar kthimin e tij në një treg rajonal, që do të mundësojë shërbimet për fermerët e të paktën tre bashkive: Fier, Patos e Roskovec. Ka gjithashtu për qëllim të zhvillojë dhe të qendërzojë gjithë pikat e tregtimit të gjësë së gjallë në një të vetme, sipas kushteve dhe parametrave bashkëkohorë, të ndërthur rrugët automobilistike dhe transportin hekurudhor, të sigurojë largësinë maksimale nga transporti publik dhe nga aktivitetet qe shoqërohen me ndotje (si erë, pluhur, tym, hi,etj), respektojë largësinë nga shtëpitë e banimit dhe gjitha aktivitetet e tjera.
Tregu i ri garanton:
· Rritje të mundësisë për kontrollin e saktë tekniko-veterinar të gjësë së gjallë, i cili ndikon drejtëpërdrejtë në sigurinë e shëndetit publik.
Rritje të kontrollit të lëvizjes së kafshëve dhe sigurinë ushqimore nga ferma në tavolinë.
Krijimin e kushteve për evitimin e ndotjes së mjedisit, duke siguruar kontrollin e plotë të lëvizjes së kafshëve dhe regjistrimin e tyre.
Sigurimin e garancisë absolute për shëndetin e konsumatorit që konsumon produktin e përpunuar.
Qarku i Fierit ka një pozitë gjeografike dhe klimë të përshtatshme, e cila ka favorizuar numrin e madh të produkteve bujqësore dhe blegtorale. Hapësirat e mëdha fushore të gjelbërura, i kanë dhënë hov zhvillimit të blegtorisë. Sot në territorin administrativ të Bashkise Fier, Patos dhe Roskovec, mbarështohen rreth 35,000 krerë gjedh, 219,344 krerë të imta dhe rreth 9,900 krerë derra.
Falë bashkëpunimit të ngushtë me projektin TAP, sot kemi një treg me kushte e standard bashkëkohore, me kapacitet rreth 3 mijë krerë dhe me një thertore për raste emergjente.
Përvec kësaj, është një vend ideal për organizimin e panaireve të ndryshme.
Bashkia Fier në bashkëpunim me UNDP ka zhvilluar një workshp dy ditor me objektiv ri-integrimin e të rikthyerve nga emigrimi dhe azil-kërkimi në Bashkinë Fier.
Në vijim të firmosjes së Marrëveshjes së Bashkëpunimit midis PNUD në Shqipëri dhe Bashkisë Fier, si dhe duke konsideruar që janë kryer disa vlerësime për të kuptuar situatën dhe kushtet e nevojshme për ri-integrimin e të rikthyerve në këtë bashki, ky takim mbledh bashkë aktorët vendorë, të cilët kanë një rol në proceset ri-integruese të të rikthyerve nga komuniteti Rom dhe Egjiptian.
Forcimi i sistemeve kombëtare dhe lokale për të mbështetur integrimin efektiv socio-ekonomik të të kthyerve në Ballkanin Perëndimor është një projekt nën-rajonal i financuar nga Komisioni Evropian, në koordinim me Bankën Botërore dhe Këshillin e Evropës. Projekti zbatohet në Shqipëri, Serbi dhe Maqedoninë e Veriut dhe administrohet nga Zyra Rajonale e UNDP në Stamboll.
Projekti synon të rrisë aftësitë e autoriteteve të Ballkanit Perëndimor për të zbatuar zgjidhje tërësore për fuqizimin ekonomik dhe shoqëror të të kthyerve. Duke adresuar shkaqet thelbësore dhe shtysat negative të emigrimit për popullatën Rome dhe Egjiptiane si dhe për te rikthyerit e tjerë nga grupe vulnerabël të popullatës, projekti kontribuon në zbatimin e agjendës së gjerë të përfshirjes sociale në Ballkanin Perëndimor.
Bashkia Fier, për të tretën herë angazhohet në nismën “Punë për Komunitetin”, duke mundësuar punësimin e 100 personave dhe pastrimin e 42.9 km kanale kulluese.
Me përfaqësues të Ambasadës Gjermane në Shqipëri, drejtues të lartë të Fondit Shqiptar të Zhvillimit dhe GIZ, në një ceremoni simbolike u promovua përfundimi i fazës së tretë të kësaj nisme, e cila mbështetet financiarisht nga Qeveria Federale Gjermane, zbatuar nga GIZ në bashkëpunim me Bashkinë Fier!
Kjo nismë, që synon zbutjen e pasojave ekonomike dhe financiare që pandemia e Covid-19 u ka shkaktuar komuniteteve lokale në Shqipëri, në Bashkinë e Fierit mundësoi punësimin e rreth 100 personave për pastrimin e 42.9 km kanale kulluese dhe ujitëse në njësitë administrative: Dërmënas, Qendër, Levan. Krahas impaktit social, nisma synoi të japë kontribut edhe në aspektin mjedisor me përmirësimin e situatës së kanaleve të kullimit, duke minimizuar efektin nga përmbytjet në tokat bujqësore, si dhe parandalimin e erozionit të tokës, nëpërmjet shtimit të sipërfaqes së pyllëzuar.
Objektivat e nismës “Punë për Komunitetin”: · Të nxisë dhe promovojë zhvillimin e turizmit kulturor e bregdetar,duke nxjerrë në pah vlerat e paçmueshme të traditës sonë jo vetëm në fushën e turizmit dhe bukurive natyrore që vendi ynë ofron por, edhe në fushën e prodhimtarisë, gastronomisë dhe artizanatit.
· Të promovojë dhe nxisë bizneset lokale, kulturën, produktet vendase në kuadër të zhvillimit të ekonomisë blu.
· Të kryejë një studim të mirëfilltë lidhur me nevojat dhe problematikat e ekonomisë blu nëvendin tonë.
· Të shkruajë një strategji 4 – vjeçare, bazuar në rekomandimet e studimit dhe të propozojë nisma konkrete për lehtësimin dhe zhvillimin e sektorit të turizmit dhe ekonomisë blu.
