U zhvilluan dëgjesat publike në kuadër të procesit për miratimin në parim të pikave të depozitimit të përkohshëm të mbetjeve inerte në territorin e Bashkisë Fier

Jul 20, 2026 | Njoftime

U zhvilluan dëgjesat publike në kuadër të procesit për miratimin në parim të pikave të depozitimit të përkohshëm të mbetjeve inerte në territorin e Bashkisë Fier, me pjesëmarrjen e përfaqësuesve të komunitetit dhe grupeve të interesit. Gjatë takimeve u prezantua propozimi për përcaktimin e pikave të depozitimit dhe u diskutuan çështje që lidhen me menaxhimin e mbetjeve inerte, mbrojtjen e mjedisit dhe ndikimin në komunitet, ndërsa pjesëmarrësit ndanë sugjerime dhe rekomandime që do të merren në konsideratë gjatë vijimit të procesit të vendimmarrjes.

Mbledhja e “Komisionit për Trajtimin e Kërkesave për Ndihmë të Menjëhershme dhe për Riparim Banesash pranë Bashkisë Fier”

Jul 14, 2026 | Njoftime

U zhvillua sot mbledhja e “Komisionit për Trajtimin e Kërkesave për Ndihmë të Menjëhershme dhe për Riparim Banesash” pranë Bashkisë Fier.

Gjatë mbledhjes u shqyrtuan kërkesat e paraqitura nga qytetarët dhe u morën në vlerësim rastet sipas kritereve dhe procedurave përkatëse, me qëllim ofrimin e mbështetjes për familjet në nevojë.

Komisioni vijon punën për trajtimin me përgjegjshmëri dhe transparencë të kërkesave të qytetarëve, duke synuar ofrimin e ndihmës për ata që kanë më shumë nevojë.