Në kuadër të Javës Rinore Europiane dhe Ditës së Europës, Njësia e Integrimit Europian pranë Bashkisë Fier, në bashkëpunim me qendrën “Epoka e Re” zhvilloi sot aktivitetin “Demokracia ka nevojë për zë”. Nënkryetarja e Bashkisë Fier, znj. Enkelejda Peshkëpia ka përshëndetur drejtuesen e qendrës “Epoka e Re” znj. Nevila Jahaj, të rinjtë deputetë të Parlamentit Rinor Fier, vullnetarë të kësaj qendre dhe i ka prezantuar me zhvillimet, investimet që po zbaton Bashkia Fier në të gjithë territorin e saj.
![](https://bashkiafier.gov.al/wp-content/uploads/2023/03/60069299_2062070627237504_8196417915835121664_n.jpg)
![](https://bashkiafier.gov.al/wp-content/uploads/2023/03/59710609_2062069613904272_4353721696990003200_n.jpg)
![](https://bashkiafier.gov.al/wp-content/uploads/2023/03/59890297_2062069293904304_5616091372164481024_n.jpg)
Të rinjtë më pas janë njohur me mundësitë për të përfituar nga fondet e BE – së (Erasmus Plus dhe European Solidarity Corpe), prezantuar nga koordinatorja për Njësinë e Integrimit Europian pranë Bashkisë, znj. Erinda Jovani. Duke improvizuar një mbledhje këshilli, në pozicionin e këshilltarëve ata trajtuan disa nga cështjet që i shqetësonte si: punësimi i të rinjve, transporti i nxënësve në largësi, këndet e lojërave etj. Pyetjet që ata ngritën morën përgjigje nga Nënkryetarja e Bashkisë, bashkë me kërkesën për të qenë sa më aktiv, pasi zëri i tyre ka shumë rëndësi për gjithcka që ka lidhje me qytetin.
![](https://bashkiafier.gov.al/wp-content/uploads/2023/03/60043767_2062071033904130_6604811690020175872_n.jpg)
![](https://bashkiafier.gov.al/wp-content/uploads/2023/03/59754339_2062070490570851_6298179552258555904_n.jpg)
![](https://bashkiafier.gov.al/wp-content/uploads/2023/03/60264958_2062070320570868_8858173355677712384_n.jpg)
![](https://bashkiafier.gov.al/wp-content/uploads/2023/03/60301360_2062070160570884_2115585321029599232_n.jpg)
![](https://bashkiafier.gov.al/wp-content/uploads/2023/03/59848907_2062069977237569_2806025580426821632_n.jpg)
![](https://bashkiafier.gov.al/wp-content/uploads/2023/03/60025885_2062069373904296_1770147384949473280_n.jpg)