Nxënësit e shkollës “Andon Xoxa” kanë qenë vizitorët më të rëndësishëm sot në Bashkinë Fier. Në kuadër të një ore të hapur mësimore, së bashku me mësuesen e tyre, ata zhvilluan një takim me Nënkryetaren e Bashkisë, Enkelejda Peshkëpia, e cila iu përgjigj të gjithë pyetjeve të tyre në lidhje me investimet, projektet, këndet e lojërave, parqet etj. Një nga problemet që i shqetësonte pamasë këta fëmijë ishte ndojtja e ambienteve publike dhe shatërvaneve nga mbetjet urbane të hedhura pa kriter prej qytetarëve.
![](https://bashkiafier.gov.al/wp-content/uploads/2023/03/33894477_1584448178333087_3754499374659403776_n-1024x682.jpg)
![](https://bashkiafier.gov.al/wp-content/uploads/2023/03/33831280_1584447658333139_2753546839620845568_n-1024x682.jpg)
![](https://bashkiafier.gov.al/wp-content/uploads/2023/03/33692036_1584447944999777_7553161003215618048_n-1024x682.jpg)
Me pafajësinë e fëmijëve ata me të drejtë pyesnin: “Përse nuk vendosni gjoba? Po më shumë se një pyetje kjo ishte një tërheqje vëmendjeje përballë indinjatës së tyre për atë që shohin cdo ditë.
Një orë emocionuese dhe shumë e vlefshme për të informuar fëmijët dhe për të mësuar prej tyre ndikimin e cdo pune të bërë nga Bashkia në qytet dhe ambientet arsimore.