Në mbledhjen e Këshilli Bashkiak Fier u shqyrtuan të gjitha pikat e rendit të ditës

Në mbledhjen e Këshilli Bashkiak Fier u shqyrtuan të gjitha pikat e rendit të ditës

Feb 13, 2025 | Njoftime

Në mbledhjen e djeshme të Këshilli Bashkiak Fier u shqyrtuan të gjitha pikat e rendit të ditës, ndër të cilat ishin:
1️⃣ Projektvendim për dhënien e ndihmës ekonomike nga fondi i kushtëzuar 6% për muajin dhjetor 2024.
2️⃣ Projektvendim për miratimin e kritereve për familjet në nevojë që do të trajtohen me ndihmë ekonomike deri në 6% të fondit të kushtëzuar për bllok-ndihmën, me fondet e pushtetit qendror dhe vendor për vitin 2025.
3️⃣ Projektvendim për miratimin e sistemit të pikëzimit për programin social të strehimit, në kuadër të subvencionimit të interesave të kredisë.
4️⃣ Projektvendim për trajtimin me ndihmë financiare të familjes së shtetasit Nuri Ferko, lagjja Mbrostar Ferko, për dëmet e shkaktuara në banesën e tij nga zjarri.
5️⃣ Kërkesë për dhënien e ndihmës së menjëhershme për Alketi Zonja.
Njoftim mbi afishimin e ekstraktit të 2-të të listës së zgjedhësve:

Njoftim mbi afishimin e ekstraktit të 2-të të listës së zgjedhësve:

Feb 7, 2025 | Njoftime

Bazuar në Udhëzimin Nr. 235, datë 10/12/2024”Për proçedurat e hartimit të listave të zgjedhësve për zgjedhjet për Kuvendin e Shqipërisë, paragrafi i III. Publikimi I ekstrakteve zgjedhore, pika 14, ju njoftojmë se:

Nga Administratorët e të gjitha Njësive Administrative në përbërje të Bashkisë Fier, është kryer afishimi I ekstraktit të 2-të të listës së zgjedhësve, në përputhje me afatin dhe kërkesat ligjore.Listat e zgjedhsëve janë gjeneruar nga sistemi dhe printuar me datë 03/02/2025. Listat e zgjedhësve janë afishuar pranë ambienteve publike të gjendjes civile përkatëse, me hyrje të lirë dhe akses për të gjithë.

Ftojmë të gjithë banorët  të marrin informacionin e duhur mbi të dhënat e tyre zgjedhore.

 

 

 

Në mbledhjen e Këshilli Bashkiak Fier u shqyrtuan të gjitha pikat e rendit të ditës

Ftese e hapur per aplikim

Jan 8, 2025 | Njoftime

FTESË E HAPUR

PËR APLIKIM PËR ARBITËR NË KAMPIONATIN E BASKETBOLLIT ME SHKOLLAT 9-VJEÇARE DHE TE MESME TË BASHKISË FIER

Në zbatim të ligjit Nr.139/2015“Për vetëqeverisjen vendore”,të ligjit Nr.10 352, datë 18.11.2010 “Për artin dhe kulturën, Vendimi I Këshillit Bashkiak, Nr. 11, datë 30. 01. 2023 “Për miratimin e rregullores së financimit të projekteve artistike – kulturore – sportive dhe promovuese pranë DAK-së së Bashkisë Fier”, të VKB Nr. 139, datë 23. 12. 2024 “Për miratimin e Programit Buxhetor afatmesëm (PBA) 2025-2027 përfundimtar dhe miratimin e buxhetit të vitit 2025, për Bashkinë Fier “, si dhe të çdo akti tjetër ligjor që i shërben këtij objekti, si dhe bazuar në kalendarin e  aktiviteteve të miratuara nga Këshilli Artistik i Bashkisë Fier, datë 6 janar 2025, Drejtoria e Artit, Kulturës, Turizmit dhe Promovimit publikon këtë shpallje publike për realizimin e aktivitetetit: “Kampionati I Basketbollit 2025”

 

Përshkrimi i aktiviteteve:

Kampionatet janë akivitete sportive të kthyera në traditë për Bashkinë e Fierit. Në këto kompeticione sportive marrin pjesë nxënësit e shkollave 9-vjecare dhe të mesme të bashkisë Fier.  Kampionati i  Basketbollit është një kompeticion i përvitshëm që zhvillohet në të njëjtën periudhë kohe dhe nxit pjesëmarrjen e të rinjve në aktivitete sportive dhe synon gjithëpërfshirjen e tyre si mundësi për një jetë më të shëndetshme dhe aktive.

Qëllimi i projektit:

  • Ruajtja e traditës së organizimit të kampionateve;
  • Nxitja e të rinjve për t’u përfshirë në aktivitete sportive;
  • Pasurimi i jetës me aktivitete sportive;
  • Masivizimi I sporteve.

PËR APLIKIM PËR ARBITËR NË KAMPIONATIN E BASKETBOLLIT

1 (një) ARBITËR në KAMPIONATIN E BASKETBOLLIT për shkollat 9-vjecare dhe të mesme të Bashkisë Fier.

Në përputhje me rregulloret dhe standardet e përcaktuara nga FIBA, Bashkia Fier fton të gjithë të interesuarit që plotësojnë kriteret përkatëse të aplikojnë për pozicionin e arbitrit në Kampionatin e Basketbollit për sezonin e ardhshëm.

KRITERET E APLIKIMIT:

  1. Të jetë mbi 18 vjeç.
  2. Të ketë përfunduar trajnimin për arbitër të basketbollit ose të ketë përvojë në arbitrimin e ndeshjeve të basketbollit.
  3. Të ketë njohuri të plota mbi rregullat e lojës dhe Kodin e Arbitrimit të miratuar nga FIBA dhe Federata Kombëtare e Basketbollit.
  4. Të jetë në gjendje të mirë shëndetësore dhe fizike për të përmbushur detyrat e arbitrimit.
  5. Të ketë integritet të lartë profesional dhe etik.

Përfitimet:

  • Mundësi për të kontribuar në zhvillimin e sportit tek të rinjtë.
  • Një eksperiencë e vlefshme në arbitrimin e eventeve sportive.
  • Kompensim simbolik për angazhimin në Kampionatin e Basketbollit 2025 në vlerë 10,000 lekë.

DUMENTACIONI I NEVOJSHËM PËR APLIKIM:

  • Formulari i plotësuar i aplikimit (shkarko).
  • Kopje e dokumentit të identitetit.
  • Dëshmi mbi kualifikimet dhe trajnimin si arbitër.

AFATI I APLIKIMIT:

Aplikimet pranohen deri më datë 24.01.2025.

Dokumentet e kërkuara mund të dorëzohen fizikisht në zyrën e protokollit të DAKTP Fier, pranë Qendrës Kulturore të Fëmijëve, Bashkia Fier, ose të dërgohen me email në dakfier1@gmail.com

Drejtoria e Artit, Kulturës, Turizmit dhe Promovimit

Bashkia Fier

Shkarko: Formulari i Aplikimit

https://docs.google.com/document/d/1bFRMocQSCPm5pnD4rqyuqO6_x-CTBtrF/edit?usp=drive_link&ouid=106069223434191299150&rtpof=true&sd=true