Ky është buxheti i bashkisë së Fierit dhe si i tillë ka një sërë prioritetesh lokale. Në ndarjen e këtij buxheti, ajo çka është parashikuar për cdo zë është vetëm një pjesë, ama ajo që është themelore është që në këtë proces ne, besoj unë, do bëjmë të mundur si asnjëherë më pare që çka shpenzohet nga taksat e qytetarëve, të shpenzohet në mënyrë sa më të drejtë, qoftë në funksion të prioriteteve, qoftë në funksion të bashkëveprimit me qytetarët dhe si rezultat, në funksion të përmirësimit të mëtejshëm të cilësisë së jetës në çdo komunitet.

Viti që po lëme pas, zbatimi në terren i Buxhetit të tij, konsultimet me specialistë e banorë, si dhe eksperienca e fituar gjatë kësaj periudhe, kanë bërë që të përcaktohen më mire shqetësimet e nevojat e shumta të komunitetit, të cilat duhet të plotësohen me mundësitë tona financiare.

Projekt buxheti 2018 starton një fazë të re të zhvillimit të Bashkisë Fier për tre vitet e ardhshme duke u fokusuar në rritjen e ritmit të rritjes së të ardhurave dhe sjelljen më afër të shërbimeve publike te qytetari.

Gjatë këtij viti, së bashku ne do të punojmë duke dhënë maksimumin cdo ditë, për të përmbushur, detyrimet, përgjegjësitë dhe premtimet tona.

Në territorin e Bashkisë së re Fier jemi të ndërgjegjshëm që kemi zona me diferenca të dallueshme përsa i përket infrastrukturës ekzistuese rrugore, shërbimeve publike, gjendjes së objekteve të arsimit, të shërbimit shëndetësor, etj. Kemi bërë shumë gjatë viteve 2016-2017, por kjo nuk do të thotë që duhet të ndalemi këtu. Të gjitha këto zona do të jenë prioriteti ynë i këtij viti me qëllim final zbutjen e kontrasteve midis zonave urbane dhe atyre rurale..

Përmirësimi i shërbimeve publike, kujdesi, pastrimi i ambienteve publike, mirëmbajtja e infrastruktures ekzistuese, përmirësimi i furnizimit me ujë të pijshëm e kanalizime, ndricimi i ambienteve publike, riparimi i rrugëve rurale, pastrimi dhe rehabilitimi i kanaleve kulluese e vaditëse etj. është dhe do të mbetet përsëri sfida kryesore e Bashkisë Fier.

Është përgjegjësi e jona dhe përdorimi me efikasitet i financave të siguruara nga qytetarët dhe bizneset si pasojë e aplikimit të taksave dhe tarifave.

Fieri është një qytet që po ndryshon nga viti në vit.Përmirësimi i standarteve të jetesës në komunitet, i kushteve në ambientet shkollore e parashkollore, përmirësimi i gjithë shërbimeve që po u ofrohen dhe do ti ofrohen qytetarëve, ndihmon për të krijuar një shoqëri më të shëndetshme.

Unë besoj se bashkë me Ju, me bashkëqytetarët tanë, me shumë punë e përkushtim të të gjithë stafeve të Bashkisë Fier do të përmbushim të gjitha përgjegjësitë për të administruar Fierin.

Unë besoj se Buxheti që po Ju paraqes për miratim, është ai që përmbush të gjithë objektivat dhe premtimet e Bashkisë Fier ndaj qytetarëve. Ky buxhet është ai që siguron ekuilibrin më të mirë të mundësive financiare në dispozicion me nevojat reale të komunitetit të Fierit me qëllim final zbatimin e kontratës që ne së bashku kemi nënshkruar me qytetarët e Bashkisë Fier.

Duke besuar në mbështetjen dhe kontributin Tuaj!

Armando Subashi

tabelat e buxhetit 2018.docx

relacioni i Buxhetit 2018.docx

Vendimi i keshillit te bashkise buxheti 2018.docx

Realcioni i PBA-se 2019-2021 Bashkia Fier.docx

FPT Shqip 1 Bashkia Fier.xlsx

------------------------------------------------------------------

BUXHETI (2017)

MONITORIM BUXHETI 8 MUJORI.doc

tabelat e buxhetit 2017.docx

relacioni i Buxhetit 2017.docx