Promovohet krijimtaria e shkrimtarit Mihal Krimçe

Promovohet krijimtaria e shkrimtarit dhe njëkohësisht specialist i DAR-it Fier Z. Mihal Krimçe. Në këtë aktivitet morrën pjesë Drejtoi i DAR-it Fier Z. Shkëlqim Allkaj, Zv/ Kryetari i Bashkisë Z. Haxhi Kalluci, drejtori i Bibliotekës Publike Fier Z. Petrit Nika, historiani Ilirjan Gjika, kolegë dhe dashamirës të shkrimtarit.

Ambasadori i Bullgarisë viziton sërisht Fierin

Ambasadori i Bullgarisë Dimitar Arnaudov është rikthyer brenda një kohe të shkurtër 3 mujore në Fier, për të qenë prezent në çeljen e ekspozitës grafike të 15 autorëve bullgarë dhe një autori fierak, Arben Koliçi. Ekspozita e vendosur në galerinë e Artit Fier kishte për qëllim njehësimin e artit dhe dy kulturave, në një të vetme. Ambasadori Arnaudov I impresionuar nga vëmendja dhe vlerësimi që Fieri dhe Bashkia Fier i bën vendit të tij dhe vlerave artistike në përgjithësi ka shprehur dëshirën për të nxitur binjakëzimin e Bashkinsë së Fierit me një nga bashkitë e rëndësishme të Bullgarisë.
Vizita e parë e Ambasadorit të Bullgarisë Dimitar Arnaudov në Fier ishte më 3 mars të po këtij viti, ku ambasadori morri pjesë në ceremoninë e ngritjes së Flamurit Kombëtar të Bullgarisë, në festën Kombëtare të saj (Ceremoni që kryehet për të respektuar çdo vend anëtare të BE-së, si shenjë respekti ndaj aspiratës që çdo shqiptar ka për të qenë pjesë e BE-së)

“Ekipi Kombëtar Shqiptar i Futbollit Femra takim në Bashki”

Ekipi Kombëtar Shqiptar i Futbollit Femra ka zhvilluar një takim me kryetarin e Bashkisë Fier Z. Baftjar Zeqaj, dy ditë përpara ndeshjes me përfaqësuesen e Portugalisë.
Për herë të parë në historinë e Fierit fusha e stadiumit “Loni Papuçiu” do të shërbejë si një arenë për ndeshje ndërkombëtare dhe kjo falë investimeve të mëdha që janë bërë ndër vite dhe u finalizuan në shkurt të këtij viti.
Stadiumi ”Loni Papuçiu’’ sot është një ndër më të mirët në vend dhe me parametra bashkëkohorë fakt që e tregon dhe ndeshja e së shtunës që zhvillohet për eliminatoret e kampionatit Botëror.


“Koncert Recital për Piano dhe Orkestër”

Ergi dhe Lidia Cane do të shfaqen ditën e dielë më datë 1 Qershor ora 19:00 në Teatrin Bylis në një koncert recital për piano dhe orkestër me dirigjente Marjana Xoxa.

Jeni të mirëpritur!

Ekspozitë “Ne jemi Europa”

Datë 31 Maj, ora 19:00 në Galerinë e Artit Fier, celet ekspozita “Ne jemi Europa”.

Ekspozitë e autorëve Bullgarë ne bashkëpunim me Arben Koliçi.

Jeni të mirëpritur!

“Tre cmime ndërkombëtare te Boksit për Bashkinë Fier”

Një medalje e artë, një medalje bronxi dhe kupa e boksierit më të mirë të turneut kanë mbërritur në bashkinë e Fierit.
Suksesi i boksierëve fierakë në Kampionatin Ndërkombëtar: “Memorial Vllaznia 2014”
është ndarë me opinionin publik në një konferencë të përbashkët shtypi të Boksierëve Xhulio Vrenozi dhe Arnold Kuqari, trajnerit të tyre Baftjar Abazi dhe Kryetarit të Bashkisë Fier Baftjar Zeqaj.

Dy boksierët fierakë Xhulio Vrenozi dhe Arnold Kuqari, janë grupuar nga Kombëtarja jonë dhe kanë dalë triumfatorë duke siguruar medalje dhe kupë.
Xhulio Vrenozi është ndeshur dhe ka fituar në peshën 69 kg ndaj kampionit të Italisë dhe Rusisë, duke fituar medaljen e artë dhe kupën si boksieri më i mirë i turneut.
Arnold Kuqari u ndesh dhe fitoi ndaj kampionit të Kosovës duke siguruar medaljen e bronxit.

Ndër 8 boksierët më të mirë të Shqipërisë të grupuar në skudrën kombëtare, dy prej tyre kanë qenë pikërisht boksierët fierakë Xhulio Vrenozi dhe Arnold Kuqari, të cilët nën drejtimin e trajnerit të tyre Baftjar Abazi kanë dhënë maksimumin, duke sjellë në Fier dy medalje dhe një kupë.

Në kampionatin Ndërkombëtar të Boksit “Memorial Vllaznia 2014” morrën pjesë skuadrat përfaqësuese të:
* Italisë;
* Kazakistanit;
* Zelandës së Re;
* Bullgarisë;
* Sllovenisë;
* Maqedonisë;
* Malit të Zi;
*Një përfaqësues i Rusisë
* Kosovës dhe Shqipërisë pritëse;

“Kampionati i Futbollit Fier”

Përfundon në qytetin e Fierit Kampionati i futbollit për shkollat e mesme të qytetit. Në finale e cila u zhvillua në Stadiumin “Loni Papuçiu” dolën 3 ekipe:


1.”Petro Sota”
2.”Janaq Kilica”
3.”Bota e Diturisë”


Në përfundim kampionë u shpall shkolla “Petro Sota” me mësues të edukimit fizik z.Roland Mehmeti & z.Gëzim Muskaj.
Në vendin e dytë shkolla “Janaq Kilica” me mësues z.Filip Çeço
Në vendin e tretë shkolla “Bota e Diturisë” me mësues znj.Elsa Goga


Aktiviteti u zhvillua ne kushte të shkëlqyera organizative. Ishin të pranishëm mjaft nxënës,mësues e prindër.Përfaqësues nga Bashkia si dhe Përfaqësues i Korpusit të Paqes pranë Bashkisë për problemet e sportit z.Graham Anderson, përfaqësues nga DAR-i z.Besnik Doko e z.Florenc Gjata.
Trofeun e fituesit ia dorëzoi kapitenit të shkollës “Petro Sota”, E.Braka ,z.Besnik Doko.

“Të pastrojmë bregdetin”

Dhjetra vulnnetarë, të rinj të shkollave të mesme të qytetit Fier, të rinjtë e Parlamentit Rinor Fier, punonjës të administratës së Bashkisë Fier, të rinj dhe punonjës të komunës Dërmënas i janë bashkuar nismës, “Të pastrojmë bregdetin”.
Autobuzët e vëna në dispozicion nga Bashkia Fier, me vullnetarë nga qyteti i Fierit u nisën drejt bregdetit, që në orët e para të ditës.
Aksioni i pastrimit u shtri përgjatë bregdetit të Darzezës, ku janë hequr me tonelata mbetje urbane dhe inerte, këto të fundit nga mjetet e vëna në dispozicion nga Komuna, me qëllim pastrim sa më të plotë, në prag të nisjes së frekuentimit të këtij bregdeti nga pushuesit.
Aksioni masiv i shtrirë në të gjithë vendin është një nxitje për të kontribuar bashkarisht në pastrimin e ambienteve publike. Për të qenë pjesë e këtij kontributi qytetar, duhet fillimisht të grumbullojmë, hedhim mbeturinat në vend depozitimet e përcaktuara, pasi në këtë mënyrë respektojmë mjedisin, veten dhe të tjerët.
Një mjedis i pastër do të thotë një jetë e shëndetshme, ndaj mjedisi është prioritet i qeverisë. Secili prej nesh duhet të japë kontributin e tij, në mënyrë që jeta jonë të jetë më e shëndetshme dhe imazhi i Shqipërisë dhe i bregdetit Shqiptar nëpër botë të jetë më i bukur.

Të gjithë bashkë, për një ambient sa më të pastër dhe të shëndetshëm!


Çelet Panairi Kombetar i Librit “Fieri 2014”

Në sheshin Emblem të BE-së Europa Plaza është celur Panairi i Librit Kombetar “Fieri 2014” i cili do të qëndroj i hapur gjatë 8- 9 dhe 10 Maj.
Ky panair synon t’i japë vlerën e merituar librit të printuar, si dhe të krijojë ura bashkëpunimi ndërmjet autorëve, lexuesve, përkthyesve, botuesve, përfaqësuesve të medias etj.
Le t’i kushtojmë pak kohë nga koha jonë edukimit të brezit të ri me traditën e leximit!
Frekuentimi i panairit është një dëshmi e dashurisë që kemi për dijen, librin, e cila Fierit asnjëherë nuk i ka munguar.
Bëhuni pjesë e këtij eventi, i cili është i pari në llojin e vet me këto përmasa në Fier.

Ju mirëpresim çdo ditë të panairit nga ora 09:00 – 21:00!

“Nata e parë e festivalit të 13 Apollon”

Nis mbrëmjen e 7 Majit nata e parë e festivalit të 13 Apollon. Këta janë gjigandet e skenës të ftuar special në këtë festival, të pritur në një takim shumë të ngrohtë nga kryetari i bashkisë zoti Baftjar Zeqaj.
Festivali vazhdon ju mirepresim të gjithëve, sonte me dy shfaqe të mbrekullueshme të trupave të tratrit Bylis të Fierit dhe atë të teatrit Andon Zako Cajupi Korce.