“Shtëpia e Bernarda Albës” vjen në Fier!

Pas suksesit në shumë skena të Shqipërisë si në: Tiranë, Vlorë, Durrës, Shkodër, Elbasan, Kavajë, Shijak, Gjirokastër, Tepelenë, Burrel, Rrëshen, Sarandë, etj.. shfaqja, me regji të Kiço Londos, erdhi edhe për publikun e Fierit.
Me një kast aktorësh brilant si: Luiza Xhuvani, Roza Anagnosti, Esela Pysqyli, Erjona Kakeli, Ermira Hysaj, Adriana Tolka, Mirela Naska dhe Klodjana Keco, shfaqja erdhi në skenën e teatrit “Bylis” ditën e enjte dhe të premte (datat 13 dhe 14 shkurt), ora 18:00.


“Përtej Vetvetes”

Ekspozita fotografike e artistes së re fierke, Desareta Kalluci!

Kjo ishte ekspozita e parë e artistes fierake Desareta Kalluci dhe për këtë arsye aktiviteti kishte kujdesin e veçantë të kryetarit të Bashksië Fier, Z. Baftjar Zeqaj, i cili nxit promovimin e artistëve të rinj.
Në bashkëpunim me Bashkinë Fier dhe Galerinë e Artit Fier, artistja e re u prezantua me punët e saj në një medium të ri si fotografia.
“Përtej vetvetes” është një përplajse e fortë dhe dëshpëruese e realitetit me ëndrrën.
Përtej vetvetes” Është një cikël fotosh ku artisti flet me mjete minimale, ku thelbi nuk është tradhëtuar, por ku vepra është bërë më e thellë, më e heshtur e më me shumë vlerë.

Promovimi i Librit “Fenomeni Blushi”

Bashkia Fier, Biblioteka Publike Fier dhe Fondacioni kulturor “Harpa”,
ditën e mërkurë, datë 5 shkurt, ora 11:00 organizuan promovimin e librit “Fenomeni Blushi”, të studiuesit Behar Gjoka.

Referuan: analisti Aleksandër Çipa, shkrimtari Fatmir Gjestila, poetja Majlinda Rama dhe studiuesi Petrit Nika.

“Një tjetër trofe e mbërritur në Bashkinë Fier”

14 vjecari Odisea Shkurti i cilësuar nga Federata Shqiptare e basketbollit si lojtari më i mirë i paratërinjve ka vendosur në tavolinën e kryetarit të bashkisë Baftjar Zeqaj, kupën së bashku me lajmin e mirë se, Apolonia do të përfaqësohet në ekipin kombëtar të paratërinjve me 5 lojtarë.
Odhissea Shkurti, Ilvi Gjika, Valentin Naçollari, Davide Duraku dhe Xhoi Ruzhdia do të jenë pjesë përbërëse e formacionit kombëtar të basketbollit të paratërinjve (meshkuj), që pritet te luajë në Kampionatin Europian të paratërinjve. Së bashku me trajnerin e tyre Ervis Qorraj dhe shefin e shumësportëshit Lili Gërmau kanë zhvilluar takim me kryetarin e Bashkisë për ta njohur më nga afër me arritjet e ekipit si dhe kanë diskutuar për zhvillimin e mëtejshëm dhe cilësor të basketbollit dhe sportit fierak në përgjithësi. Trajneri Ervis Qorraj u shpreh se, nga ana e Federatës Shqiptare të Basketbollit, e cila po merret me grumbullimin e fornacionit të kombëtares të basketbollit të paratërinjve, nga 38 lojtarë në të gjithë vendin u seleksionuan 15 lojtarë, 5 prej të cilëve janë lojtarë të ekipit të Apolonisë. Pas vlerësimit dhe përgëzimit që u ka bërë lojtarëve dhe trajnerit të tyre, Kryetari i Bashkisë Baftjar Zeqaj ka premtuar se shumë shpejt ky ekip do të stërvitet në ambjentet e reja të kompleksit sportiv pranë Qendrës Tregëtare ETC.
“Krijimi i kushteve stërvitore duhet të pasohet me një ndërhyrje në rregulloren e ekipit, për t’i vendosur lojtarët përpara pëgjegjësisë për veprimet e tyre përpara dhe gjatë aktivitetit të tyre sportiv, me qëllim që të bëhen në rradhë të parë qytetarë të mirë dhe më pas lojatr të mirë. Lojtarët që veshin dhe do të veshin fanelën e Apolonisë, që përfaqësojnë dhe do të përfaqësojnë Fierin brenda dhe jashtë Shqipërisë, duhet të pasqyrojnë kulturë, respekt, edukatë dhe mirësi”- është shprehur kryetari Baftjar Zeqaj, duke kujtuar modelin pozitiv të krijuar tashmë për futbollin fierak në arenën kombëtare, model që duhet të shtrihet në të gjitha sportet.
Trajneri Ervis Qorraj u shpreh optimist për ecurinë e ekipit të basketbollit në Fier, duke shtuar se hapja e kompleksit sportiv do të pasopjë me masivizimin e sportit të basketbollit dhe rritjen e cilësisë së tij, duke e kthyer Fierin në epiqendër të sportit shqiptar.


“Plani Veprimit për Buxhetimin Gjinor”

Bashkia Fier prezanton Planin e Veprimit për Buxhetimin Gjinor.
Njësia e Barazisë Gjinore dhe Dhunës në Familje pranë Drejtorisë së Shërbimeve Sociale në Bashkinë Fier zhvilloi sot takimin e fundit me anëtarët e grupeve këshillimor të punës, për hartimin e Planit Lokal të Veprimit për Barazinë Gjjinore dhe adresimin e Dhunës në familje. Ky aktivitet zhvillohet në kuadrin e zbatimit të projektit “Ndërtimi i një sistemi të reagimit të koordinuar ndaj dhunës në familje dhe integrimi i çështjeve gjinore në planet lokale të zhvillimit” me mbështetjen e Programit të Kombeve të Bashkuara për Zhvillimin, PNUD, me fonde të qeverisë Suedeze.
Takimi u moderua nga znj: Natasha Sollaku, specialiste e Barazisë Gjinore dhe Dhunës në Familje pranë Bashkisë Fier. Lidhur me rishikimin e Draft Planit të Veprimit për Barazinë Gjinore dhe Dhunën në Familje referuan znj: Nevila Jahaj në cilësinë e ekspertes lokale dhe znj: Aurela Bozo eksperte dhe konsulente e UNDP, Albania për Bashkinë Fier.

“Prezantohet poetja e re fierake Alba Stefa”

Deja’vu, tashmë në duart e lexuesit…
Bashkia Fier, Biblikoteka Publike organizuan pasditen e djeshme ceremoninë e prezantimit të poetes së re fierake Alba Stefa. Prezantimi i poetes u shoqërua dhe me promovimin e librit të saj të parë DEJA’VU. Të pranishëm në këtë aktivitet ishin krahas përfaqësuesve të lartë të institucioneve publike të qytetit dhe intelektualë, dashamirës të artit, krijimtarisë letrare, gazetarë dhe miq të poetes.


“Te Gjelberojme Qytetin Tone”

Banorët e lagjes “Liri Gero” nga Sot do të kenë lulishten e tyre.
Bashkia Fier në kuadër të projektit “Të gjelbërojmë qytetin”, finalizoi punën për ndërtimin e lulishtes së re në lagjen “Liri Gero”, me mbështetjen financiare të kompanisë kanadeze të naftës “Bankers Petrolium”.
Të pranishëm në këtë inagurim ishin drejtues të Bashkisë Fier, përfaqësues të lartë të kompanisë “Bankers Petrolium” dhe banorë të zonës.
Në fjalën e tij N/kryetari i Bashkisë Flamur Mato, u shpreh se: “Shtimi i sipërfaqeve të gjelbëruara dhe ndërtimi i lulishteve të reja janë prioritet i Bashkisë edhe për këtë vit”. Z.Flamur Mato u shpreh gjithashtu se, shumë shpejt do të pasojnë inagurime të tjera të kësaj natyre.

Sipërfaqja e lulishtes është 1181m2 ku mbi 500m2 është sipërfaqe e gjelbëruar. Investimi kap shifrën 39 000 $ dhe u mbështet nga kompania kanadeze e naftës “Bankers Petrolium”, kurse firma zbatuese ishte “Spektri” Sh.p.k.

Puna e nisur që në 26 dhjetor u finalizua sot me inagurimin e lulishtes. Lulishtja që do t’i vijë në ndihmë, jo vetëm banorëve të lagjes “Liri Gero”, por gjithë qytetarëve të Fierit.
Puna për ndërtimin e lulishtes konsistoi në: sistemimin e ujërave të bardha e të zeza, ndriçimin, sistemimin e lulishtes, gjelbërimin etj.

Komisioni Këshillimor Qytetar (KKQV), analizon projekt – buxhetin e vitit 2014 Analiza positive.

Komisioni këshillimor qytetar i Fierit ka zhvilluar ditën e mërkurë takimin e rradhës duke i paraprirë mbledhjes së Këshillit Bashkiak. Tema e takimit ishte diskutimi mbi projekt-buxhetin e vitit 2014. Për të marrë menjëherë sugjerimet e komisionit me qëllim përshpejtimin e ndërhyrjeve në projekt – buxhet nëse do të ishte nevoja, në takim morrën pjesë dhe dy nënkryetarët e bashkisë, Florian Muçaj dhe Flamur Mato, të cilët u dhanë përgjigje të gjitha pyetjeve që ngriti ky komision gjatë punës së tij. Zëri i investimeve në projekt – buxhet pati vëmendjen më të madhe të komisionit. Çështjet më të diskutuara ishin ato që Bashkia Fier i kishte vënë në fokus të buxhetit për këtë vit e në vazhdim: Dyfishimi i lulishteve, ndërtimi parqeve, ndërtimi i pedonales, impianti për mbetjet urbane, rikonstruksioni i muzeut historik, rikonstruksioni i stadiumit të lojërave me dorë.

Përsa i përket rikonstruksionit të Muzeut Historik, nënkryetari Florian Muçaj u shpreh se, Bashkia Fier ka aplikuar pranë qeverisë shqiptare projektin për rikontruksionin e tij dhe ndërtimin e një Muzeu Etnografik. Për infrastrukturën e brendshme të Muzeut, kjo do të mundësohet nga marëveshje bashkëpunimi që Bashkia e Fierit ka bërë me Bazelin e Zvicrës.
Sporti gjithashtu do të ketë vëmendjen e veçantë të Bashkisë. Krahas këndit sportiv më të mirë në vend që sot nxjerr talente (akademia sportive), shumë shpejt pranë qendrës tregëtare ETC, do të ketë një tjetër ambjent sportiv, pjesë e këtij ambjenti do të jetë dhe një pistë vrapimi.
Brenda 3 mujorit të parë të këtij viti pritet që të përfundojë rikontruksioni i godinës së ish – sizmikes, duke ofruar kushte të përshtatshme për ushtrimin e sporteve të rënda. Projekt – buxheti u përkrah nga të gjithë anëtarët e komisionit këshillimor Qytetar, duke vlerësuar të gjitha prioritetet që Bashkia kishte vendosur për vitin 2014.
Ngritja e komisionit këshillimor qytetar vendor KKQV, është projekt i USAID-it në bashkëpunim me Bashkinë e Fierit që synon thellimin e procesit të decentralizimit të pushtetit vendor. Pjesë përbërëse e komisionit është përfaqësi e gjerë e shoqërisë civile, intelektualë të të gjitha fushave, qytetarë dhe një përfaqësi nga Bashkia. Institucionalizimi i Komisionit Këshillimor është një hap i rëndësishëm drejt procesit të decentralizimit.

NJOFTIM

Ditën e mërkurë datë 29 Janar ora 18.00 në teatrin Bylis, u shfaq komedia “Kasollja e Vogël” e shkrimtarit francez Andre Roussin përkthyer dhe vënë në skenë nga Sesilia Plasari dhe me kast aktorësh: Lulëzim Zeqja, Ina Gjonci, Genc Fuga dhe Florian Agalliu.
Burri-gruaja-dashnori si personazhe të një trekëndëshi psikologjik që luftojnë për t’u çliruar nga vetja, sedra e sëmurë, frikërat dhe komplekset.
Katër personazhe që përfundojnë në një ishull ku përballen me situata që e bëjnë publikun të reflektojë mbi natyrat njerëzore, raportin e individit me veten dhe të tjerët.
Regjisorja Sesilia Plasari përmes tekstit të Roussin, por dhe lojës së aktorëve është munduar që të gjejë arsyet e vërteta që nuk i lejojnë personazhet e saj të jetojnë të lirë në ishull.

« Kasollja e vogël » e autorit francez Andre Roussin është vënë mbi 1500 herë në teatro të ndryshëm të botës tashmë vjen në Fier.”

NJOFTIM

Më 22.01.2014 ora 11.00 në sallën e bibliotekës publike të qytetit të Fierit u promovua libri më i fundit i Monika Stafës “Një Ditë si Sofia”.